علامات فارقة :
- مسلسل أحلام كبيرة :
في مشهد لما بيرجع بسام كوسا عالبيت بعد ما يكون اخوه كذب عليه ، وبتصير تواسيه زوجتو (سمر سامي) ..
" زعلت من أخوك لأنو ما سجّل المحل بإسمك ، طيب ليش لتزعل ، نحن بحياتنا ما كان عنّا محل"
- مسلسل ضيعة ضايعة :
آخر حلقة بالجزء التاني ، بيطلع نضال سيجري وبكون مبين عليه التعب وبقول :
شبكااااون ( بصوت أسعد )
خلص بح ما عاد في أسعد ، أنا رح اشتقلو ..
- مسلسل الخربة :
في مشهد ل أحمد الأحمد ( سمعان ) ، بكون على أساس يتزوج ندى ، بآخر الحلقة بقول :
طول عمري بطلع بالأرض ، وبخاف إرفع راسي
ليش رفعولي راسي لفوق
ليش فتحولي عيوني وخلّوني أعرف إنو في حب ..
كسرولي قلبي ..
بيسواش هيك ..
_ بلا ما نزعل على شي ما قدرنا بعمرنا نحصل عليه ، في شغلات ما ضروري حتى نحصل عليها لننبسط .!
مرّات المعرفة بتضر .
مرّات منكون مبسوطين بلاها ووجودها هوي يلي بيأذينا
_بلا ما نتعود على شي ليوصل فينا للادمان عليه ، بلحظة منفقدو وبيكسرنا غيابو !
.....
احلام كبيرة
نص : أمل حنا المخرج : حاتم علي
ضيعة ضايعة و الخربة
نص : ممدوح حمادة المخرج : الليث حجو
الرئيسية 
